Bukaera: Realak merezi baino astindu handiagoa hartu du. Baloia izan du partida osoan, eta aukera hobeak, baina larrutik ordaindu du eraginkortasun falta. Xakhtarrek bigarren zatian sartu ditu bi golak, bi kontraeraso baliatuta. Txapeldunen Ligari gaizki ekin dio Realak, eta aldapa gora jarri zaio lehen fasetik igarotzea.
89. min: Granerok, min hartuta, zelai utzi du. Larria dirudi.
87. min: Teixeirak, bigarren gola. Zigor handiegia jaso de Realak.
85. min: Realak argi pixka bat galdu du. Zentzu baino gehiagorekin ari da erasoan.
76. min: Velak langara!!! Realak berdinketako gola sartzea merezi du.
73. min: Realak bi aukera on izan ditu. Golak ez du jota utzi. Gehiago da eta saria nah du.
65. min. Anoeta kolpetik izoztu da. Xakhtarrek kontraerasoa lotu, eta Teixeirak gola sartu du. Serna pase bikaina eman dio area barruan. Ukrainako taldeak atera botariko lehen jaurtiketa izan da.
60. min. Seferovicek pase luzea kontrolatu du area barruan, eta angelu askorik ez izan arren atera jaurti du. Piatovek urrundu du. Realaren aukera onena bigarren zatian.
55. min: Realak erasoan jarraitzen du eta arazorik gabe iristen da area ertzera. Zehaztasun pixka bat falta zaio. Xakhtar, zain.
Atsedenaldia: Lehen zati ona izan du Realak. Xakhtar baino gehiago izan da eta gol aukera onak izan ditu. Bi lehen bost minutuetan eta beste hiru azken txanpan. Garbiena Velak izan du, kontraeraso batean, baina bere jaurtiketa atzelari batek urrundu du.
42. min: Pardok aukera oso ona izan du. Realaren presioa fruituak lortzen ari da, baina ez du golik sartu. Hurrengo jokaldian Prietori falta egin diote area ertzean eta epaileak kanpoan izan dela dierazi du.
25. min: Carlos Velak aukera bikaina izan du, baina atzelari batek bere jaurtiketa loratua urrundu du. Ondoren kornerra atera eta Prietok ere gutxigatik huts egin du jaurtiketa. Oro har, jokoa orekatu egin da. Xakhtar ondo jarrita dago, eta kontraerasoan sor dezake arriskua.
15. min: Txuri-urdinak erasoan ekin diote partidari. Xakhtarreko atezainak bi geldiketa egin ditu lehen bost minutuetan. Ordu laurden bete denean, Realak du baloia eta jokoa kontrolatzen du. Xakhtar zain dago, kontraerasoan irteteko.
Reala: Bravo, Estrada, Mikel Gonzalez, Iñigo, De la Bella, Markel, Ruben Pardo, Xabi Prieto, Vela, Seferovic eta Griezmann.
Xakhtar: Piatov; Srna, Rakitskiy, Kucher, Xevtxuk; Fernando, Hubschman; Douglas Costa, Alex Teixeira, Taison eta Luiz Adriano.
