Hirugarren Espainiako Superkopa, Itxakorentzat

ESKUBALOIA. Itxakok ez zion aukerarik eman herenegun Eldari Espainiako Superkopan (16-31). Lizarrako taldeak lehen zatian hautsi zuen partida, atsedenaldian jada 11 goleko aldea baitzuen (6-17). Itxakok irabazi duen hirugarren Superkopa da herenegungoa, eta bere garaipen zerrendako bederatzigarren titulua: hiru ABF liga ditu, bi Kopa, hiru Superkopa eta EHF kopa bat.