Hunter nagusi, Trentinoko Giroko hirugarren etapan

Robert Hunterrek (Barloworld) irabazi zuen, atzo, Trentinoko Giroko hirugarren etapa. 37 txirrindulari bat eginda heldu ziren Innervillgraten (Austria) eski estazioko helmugara, eta esprintean hegoafrikarra izan zen azkarrena. Stefano Garzelli (Acqua&Sapone) izan zen bigarren, eta Danilo di Luca (LPR) hirugarren. Janez Brajkovic (Astana) ere multzo horretan helmugaratu zen, eta lidergoari eusten dio, lasterketa amaitzeko etapa baten faltan. Ivan Basso (Liquigas) da bigarren, lau segundora.

Etapa gogorra izan zen atzokoa. Izan ere, Teserotik atera eta kilometro batzuk ordekan egin eta gero, eta Canazei atzean utzita, Sella igotzen hasi ziren txirrindulariak. 2.000 metrotik gorako mendatea da, Dolomiten bihotzean dagoena. Haren aurreneko maldetan eguneko ihesaldia sortu zen, 20 bat lagunekoa. Multzo horretatik Giampaolo Carusok (Flaminia) alde egin zuen, baina tropelak helemugara heltzeko bost kilometro falta zirela harrapatu zuen. Gaurko azkeneko etapak Sillian eta Pejo Fonti lotuko ditu (214 kilometro). Azkeneko kilometroek goranzko joera nabarmena daukate.

Sailkapenak

HIRUGARREN ETAPA

1. Robert Hunter (Barloworld) 4.09.16

2. Stefano Garzelli (Acqua Sapone) d.b.

3. Danilo Di Luca (LPR) d.b.

4. J. Rodriguez (Diquigiovanni) d.b.

5. Pasquale Muto (Miche) d.b.

6. M. Gentili (Flaminia) d.b.

7.Andrea Moletta (Miche) d.b.

8. Giampaolo Caruso (Flaminia) 1.26ra

85. David Herrero (Xacobeo) 4.01era

87. Iban Mayoz (Xacobeo) d.b.

NAGUSIA

1. Janez Brajkovic (Astana) 4.10.07

2. Ivan Basso (Liquigas) 4ra

3. Przemyslaw Niemiec (Miche) 19ra

4. G. Simoni (Diquigiovanni) 1.00era

5. B.Samoilau (Amica Chips) d.b.

6. S. Garzelli (Acqua&Sapone) 1.07ra

7. Domenico Pozzovivo(Navigare) 1.16ra

8. Giampaolo Caruso (Flaminia) 1.32ra

85. Iban Mayoz (Xacobeo) 10.54ra

99. David Herrero (Xacobeo) 14.24ra