Asier Illarramendi Realeko erdilariak ezkerreko belauneko meniskoa hautsi du, kanpoaldetik, eta, ondorioz, aste batzuetarako izango du.
Atzo hartu zuen min, Reala-Espanyol partidako bigarren zatian. Philippe Montanier entrenatzaileak aldatu zuenean, hainbat jarraitzailek txistuak jo zituzten, aldaketa taktikoa zelakoan; ez zekiten Illarramendi lesionatuta zegoenik.
Liassine Cadamuro atzelariak ere min hartu du: zuntz haustura arin bat dauka iztarrean.
Reala Espainiako Lehen Mailako sailkapenean azken dago. Igandean jokatuko du hurrena, Betisen zelaian (12:00).
