Jon Aberasturi eta Garikoitz Bravo txirrindulariak fitxatu ditu Euskaltel-Euskadik datorren denboraldirako. Aberasturi Orbea taldean aritu da orain arte, eta Bravo, berriz, Caja Ruralen. 23 urte dituzte biek. Aberasturi Arabakoa da, eta munduko txapelketan parte hartu zuen iaz, 23 urtetik beherakoen kategorian. Bravok mendiko maillota lortu zuen Etorkizuneko Tourrean, 2010. urtean.
Gainera, Euskaltelek aurreakordio bat lortu du Miguel Minguez, Ruben Perez, Gorka Verdugo eta Juanjo Orozekin, taldean jarrai dezaten. Amets Txurrukak, ordea, ez du jarraituko, Igor Gonzalez de Galdeano Euskaltel-Euskadiko zuzendariak Txurrukari berari esan dionez.
