Kate motzean

•Jose Miguel Etxabarri? Maisua. Dena erakutsi diguna.

•Jose Luis Jaimerena? Afizionatuetako zuzendaria.

•Eusebio Unzue? Estrategian aditua. Zuzendari ona.

•Jose Luis Arrieta? Laguna. Borroka askotan ibili gara elkarren ondoan.

•Tourra? Lasterketarik garrantzitsuena.

•Vuelta? Bereziena.

•Giroa? Ez dut ezagutzen, baina probarik politenetakoa dela esaten dute.

•Flandriako Tourra eta Paris-Roubaix? Asko gustatzen zaizkidan bi lasterketa, baina, egutegia tarteko, gehienetan alboratu behar izaten nituenak.

•Munduko Txapelketa? Proba berezia. Oso desberdina.

•Txirrindulari bat? Miguel [Indurain] zen gaztetako nire idoloa. Asko gozatu nuen haren garaipen bakoitzarekin.

•Taldekide bat? Xabier Zandio. Beti hor egon da.

•Lasterketa bat? Vuelta.

•Garaipen bat? Lehenengoa, Vueltakoa, Narancokoa.

•Igoera bat? Erro, oso eroso igotzen delako [barrez]. Gogortasunagatik, Angliru, baina ez zait hainbeste gustatzen.

•Entrenatzeko taldetxoa? Beharrezkoa. Egunero 10. kilometroan etxera ez joateko indarra eman didana. World Tourreko talde on bat egin daiteke horiekin.

•Egunik onena? Garaipena lortu dudan egunetako edozein.

•Eta txarrena? Adiskideren bat galdu dudanekoa. Tamalez, hiru galdu ditut.

•Aholkurik onena? Tafallako batek emana: hobe da txikiak izanda ere pausoak aurreraka ematea, pauso handi bat ematearen ondorioz beste bat atzera ematea baino.

•Miguel Indurain? Lasaia eta kalkulatzailea.

•Abraham Olano? Metodikoa.

•Chava Jimenez? Aurreikusi ezin zitekeen kirolaria. Onena eta txarrena egiteko gai zena.

•Alex Zuelle? Izugarrizko motorra zeukan, baina une oro gainean egon beharra zegoen.

•Paco Mancebo? Ibilkera berezi horrekin, beti zegoen hor, baina beti sufritzen zuen.

•Alejandro Valverde? Harekin igaro dut denbora gehien. Proba guztietara joaten zen irabazteko aukerarekin.