Nevadako Klasikoa (Ameriketako Estatu Batuak) irabazi du Lance Armstrongek (1971, AEB), txirrindularitza profesionalera itzuli denetik bere lehena. 2005ean lortu zuen azken garaipena -Frantziako Tourra, zazpigarrenez segidan-, eta ondoren erretiratu egin zen. Aurten bueltatu da, eta Tourra hasi aurreko egunetan sasoian dagoela erakutsi du -uztailaren 4an hasiko da Frantziako itzulia-.
Astanako txirrindulariak Levi Leipheimer taldekidearekin eta Ben Jacques Maynesekin egin du ihes, eta helmugarako hamar kilometro falta zirela bakarrik geratu da. Maynes heldu da bigarren -22 segundora-, Leipheimer hirugarren -23ra-.
Tourrean parte hartuko du Armstrongek, eta Alberto Contador Astanako kideak gaur esan du karrerak erakutsiko duela bietatik zein izango den burua.
Txirrindularitza
Lance Armstrong hasi da irabazten, Tourraren bezperatan
Txirrindularitzara itzuli denetik bere lehen garaipena lortu du: Nevadako Klasikoa. Uztailaren 4an hasiko da Frantziako itzulia, eta han izango da Astanako kidea.
Iruzkinak
Ez dago iruzkinik
Ordenatu
