PILOTA. Unai Lasok eta Ander Imazek min dute eskuan, eta ez dute jokatuko larunbatean, Labriten, Jon Ander Peñaren eta Jon Mariezkurrenaren aurka. Lasok ezker eskuko ahurrean du min, eta Imazek, eskuinekoan. Aitor Elordiri eta Jose Javier Zabaletari irabazitako partidaren ondorioak dira. Iñaki Artola eta Iosu Eskiroz ariko dira haien ordez. Ez dago ezer jokoan, Laso eta Imaz sailkatuta baitaude finalerako, eta Peña II.ak eta Mariezkurrenak II.ak ez baitute aukerarik txapela lortzeko lehian aritzeko.
Jokin Altunak eta Xabi Tolosak, aldiz, partida erabakigarria jokatuko dute Elordiren eta Zabaletaren aurka igandean, Bilbon. Zabaletak atzo aukeraketan esan zuenenez,«lehia gogorra» espero du. Altunaren iritziz, «seinale ona» litzateke hori.
Lasok eta Imazek ez dute jokatuko larunbatean
Iruzkinak
Ez dago iruzkinik
Ordenatu
