Luis Felipe Laverdek (Panaria) irabazi du gaur Italiako Giroko seigarren etapa, Tivoli eta Spoleto artekoa. Marco Pinotti (T-Mobile) Laverderekin batera heldu da eta lider jarri da. Pinottik ez dio etapa garaipena lehiatu Laverderi.
Boskote batek osatutako ihesaldia izan da eguneko protagonista. Hurbert Schwab (Quick Step), Danielle Contrini (Tinkoff), Christophe Kern (Credit Agricole), eta Laverde eta Pinotti ibili dira ihesi. Azken biak bakarrik heldu dira.
Talde nagusia zazpi minutu eta hamar segundora heldu da helmugara. Sailkapen nagusian bigarren Schwab da orain, 3.30era, eta hirugarren gaur arteko lider Danilo di Luca (Liquigas), 4.12ra.
Bihar 254 kilometroko etapa izango dute, Spoleto eta Scarpera artean, Giroko zazpigarrena.
Txirrindularitza
Laverdek irabazi du Giroko seigarren etapa
Marco Pinotti da lider berria.
Iruzkinak
Ez dago iruzkinik
Ordenatu
