Lehen etapan egin bezala, bigarrengoan ere gailendu da Groenewegen, Paris-Nizan

TXIRRINDULARITZA. Bitik bi daramatza Dylan Groenewegenek (Jumbo) Paris-Nizan. Lehen etapan egin bezala, bigarrengoan ere herbeheretarra izan da azkarrena. Ivan Garcia Cortina (Bahrain) eta Philippe Gilbert (Deceuninck-Quick Step) sailkatu dira haren atzetik. Sailkapen nagusian, noski, bera da lider. Gorka Izagirre (Astana), berriz, erretiratu egin da. Erori egin zen, eta min hartu zuen ezker ukondoan eta eskuin aldakan. Ospitalera eraman zuten, baina ez du lesio larririk.