Lhotsera bidean, Namche Bazarrera iritsi da Oiarzabal

MENDIA. Juanito Oiarzabalek amaitu du Lhotsera bidean egin beharreko lehen gerturatze fasea. Mendizale gasteiztarra atzo iritsi zen Namche Bazarrera (3.440), Himalaiaren ate gisa ezagutzen den herrira. Hain zuzen ere, Edurne Pasabanen espedizioa ere bertan dago. Etzi 5.400 metrora iristeko asmoa dauka Oiarzabalek.