Luis Leon Sanchez (Rabobank) izan da Paris-Nizako seigarren etapako irabazlea, eta Bradley Wigginsek (Sky) lidergoari eustea lortu du. Suze la Rousse-Sisteron artean korritu dute saioa —176,5 kilometrokoa—. Hirugarren mailako lau mendate eta bigarrengo bat izan dituzte.
Lau segundoren aldea atera dio Leonek azkeneko esprintean Jens Voigt txirrindulariari (Radioshack). Tropela hamalau segundo geroago sartu da helmugan.
Sailkapen nagusian bigarren jarri da Westra, sei segundora. Hirugarren Leipheimer dago —hamarrera—, eta laugarren Valverde —hemezortzira—.
Bihar zazpigarren etapari egingo diote aurre, Sisteron eta Niza artean —220 kilometro—.
Igandean bukatuko da Paris-Niza, 9,6 kilometroko kronoigoera batekin.
Boasson Hagen irabazle Tirreno-Adriatikoan
Edvald Boasson Hagen-ek (Sky) eskuratu du Tirreno-Adriatikoko hirugarren etapa, esprintean. Andre Greipel sartu da bigarren, eta Peter Sagan hirugarren.
