Margaret Roundtree beste urtebetez ariko da Gernikan

SASKIBALOIA. Lointek Gernika Bizkaiak beste urtebeterako luzatu dio kontratua Margaret Roundtree hegaleko-pibotari. «Oso pozik nago hemen segitzegatik. Bai taldearentzat, bai niretzat, denboraldi on bat izatea espero dut», adierazi zuen atzo Roundtreek. Aurreko sasoian iritsi zen Roundtree Gernikara, eta Mario Lopezek zuzentzen duen taldeko jokalari garrantzitsuenetako bat bihurtu zen. 10,6 puntu sartu, eta 5,7 errebote jaso zituen batez beste partidako.