Michel Platini aukeratu dute gaur UEFAko presidente, Lennart Johannson orain arteko presidenteari bozketa irabazi ondoren. Platinik 27 boto lortu ditu eta Johannsonek 23; bi boto balio gabekoak izan dira.
Platinik 51 urte ditu, Frantziako selekzioko jokalari ohia da, eta lehen aldiz iritsi da Europako futbol kargu horretara. FIFAko presidente Joseph Blatterrek hauteskundeetan bere alde egin du eta hori garrantzitsua izan da. Plantinik esan du "herrialde handien eta txikien alde" egingo duela, "baita klub handien eta klub anonimoen alde ere".
Angel Maria Villar Espainiako Futbol Federazioko presidente bizkaitarrak UEFAko zuzendaritzan segituko du, eta beste lau urtez bertako presidenteorde ere izango da.
Futbola
Michel Platini, UEFAko presidente berria
Iruzkinak
Ez dago iruzkinik
Ordenatu
