Odol poltsak aztertzeko eskatu du akusazioak

TXIRRINDULARITZA. Atzemandako odol poltsak azter ditzala eskatu dio Puerto auziko akusazioak epaileari. Bestalde, Manuel Saiz zuzendari ohiak atzo aitortu zuen txirrindulariak bidali zizkiola Eufemiano Fuentesi, baina ez zekiela hark zer tratamendu egiten zuen. Vicente Belda zuzendari ohiak, berriz, adierazi zuen bere txirrindularietako inorena ez dela atzemandako odola, eta kontrakoa dela erakusteko eskatu zuen Fuentesek izenak eman ditzala.