Joan den apirilean Annapurnara igotzea lortu zuen Oh Eun-Sun 43 urteko mendizale hegokorearrak, eta, horrenbestez, 14 zortzimiliakoak zapaldu zituen lehen emakumetzat jo zuten. Oh Eun-Sunekin buruz buruko lehia estuan ibili ondoren, Edurne Pasabanek (Tolosa, 1973) maiatzean lortu zuen 14 zortzimilakoak osatzea, Shisha Pangmaren gailurra zapaltzean.
Orain, ordea, oso zalantzan jarri da Oh Eun-Sunen marka. Izan ere, Hego Koreako federazioak ez du baliozkotzat jo Kanchengunjako igoera. Federazioko aditu talde batek Oh Eun-Sunek frogatzat emandako argazkiak aztertu ditu, eta erabaki ez direla gailurrekoak.
Buruz buruko lehia horretan ari zirela Pasabanek berak jarri zuen zalantzan Oh Eun-Sunen marka, hain zuzen ere, Kanchenjungako tontorra ez zuela iritsi argudiatuta. Normalean mendiko markak egiaztatzen dituen Elizabeth Hawley britainiarrak ere ez zuen erabat ziurtzat jo. Orain, Hego Koreako Federazioaren txostena aintzat hartuta zer erabakitzen duen ikusi beharko da.
Oh Eun-Sunek salatu du Hego Koreako federazioa bera kaltetu nahian dabilela.
Mendia
Oh Eun-Sunek Kanchenjunga igo izana zalantzan jarri du Hego Koreako federazioak
Korearrak mendi horren gailurra ez zuela zapaldu frogatzen bada, Edurne Pasaban litzateke 14 zortzimilakoak osatutako lehen emakumezkoa.
Iruzkinak
Ez dago iruzkinik
Ordenatu
