Osasuna utzi eta urtebetera, futbola utziko duela iragarri du Oier Sanjurjok (Lizarra, Nafarroa, 1986). Zale gorritxoek gogoan dute azken kapitain handiari Sadarreko zelaian egin zioten agur hunkigarria. 2008an egin zuen Osasunako lehen taldearekin debuta, Lehenengo Mailan. Geroztik 356 neurketa jokatu zituen Osasunako elastikoarekin, eta iazko ekainean fitxatu zuen AEK Larnacak. Zipreko taldeak atzo amaitu zuen liga, hirugarren postuan. Horrela, taldea Konferentzia Ligarako sailkatu ostean esango du agur Oierrek.
Gure klubeko mito batek futbol profesionaletik erretiratu dela iragarri du gaur.
— C. A. OSASUNA (@Osasuna_eus) May 29, 2023
â;Â;¤ï¸;Â; Zure borroka nekaezina, izaera, adorea, bihotza eta Osasunarekiko sentimendua ez dira inoiz ahaztuko. Gure kamiseta ohoratu duzu. Zorionak zure ibilbideagatik, Oier. pic.twitter.com/sNqJDkNkt9
Nafarraren ordezkaritza agentziak sare sozialetan zabaldutako bideo batean iragarri du albistea. Bertan, zenbait egunkaritan egindako elkarrizketak, albisteak eta erreportajeak agertzen dira, eta Oierrek berak jarri dizkio hitzak bideoari. «Azken txistu hotsak eman dio amaiera partidari, baita nire kirol ibilbide profesionalari ere. Emozio eta sentimendu desberdinak kudeatzea tokatzen zait: Harrotasuna, nostalgia, ilusioa eta beste zenbait», nabarmendu du Osasunako kapitain ohiak lehen segundoetan. Bestalde, eskerrak ematen dizkie bere ibilbideko hiru taldeei: Osasunari, AEK Larnacari, eta Celtari. Gorritxoei bereziki, «nire ibilbide profesionala eta hazkunde pertsonala garatzeko aukera emateagatik».
AGUR FUTBOLA - Oier Sanjurjo #6 pic.twitter.com/mkTnqSMOyb
— Global Ases (@GlobalAses) May 29, 2023
