Partida zaila zeukan atzo Athleticek Prainsa Zaragozaren zelaian, aurkaria gogorra izateaz gain, Nekane taldeko golegile nagusia min hartuta zegoelako. Baina Oruetak egin zituen Nekaneren lanak, eta bi gol sartuta, hiru puntu eskuratu zituzten zuri-gorriek. 48. minutuan sartu zuen Oruetak lehen gola, eta 76.ean bigarrena, 0-2koa.
Realak ere irabazi egin zuen etxean, Valladolid azken sailkatuaren aurka (1-0), eta txuri-urdinek zuri-gorriekin berdinduta jarraitzen dute sailkapenean, 24 punturekin. Lagunak-ek eta Eibarrek gaur jokatuko dute.
Oruetaren bi golei esker, garaipen handia lortu du Athleticek Prainsaren aurka
Iruzkinak
Ez dago iruzkinik
Ordenatu
