Pistolako 10 metroko finaletik puntu bakarrera gelditu zen Pablo Carrera joan den astean, eta historia errepikatu da 50 metrokoan; 9. postuan sailkatu da, finalera igarotzeko behar zuen puntu kopurua baino bat gutxiago lortuta (555).
10 metrokoan gertatu legez, atzetik aurrera joan da bilbotarra, tiro egin ahala postuak hobetuz. Zortzigarren ere izan da une batez, beste lehiakide batzuek zer egingo zain. Azkenean, Wang Zhiwei txinatarrarentzat izan da zortzigarren postua.
Pekingo eta Londresko jokoetan txapeldun izan zen Jin Jong-oh hegokorearra izan da onena, 567 puntu eta hamabi hamarreko lortuta.
