Peter Sagan-ek (Liquigas) irabazi du Frantziako Tourreko 3. etapa —Orchies-Boulogne sur Mer, 207 kilometro—, bukaerako aldapan nagusi izanda. Segundo bateko aldea kendu die atzekoei. Igandean ere hark irabazi zuen etapa. 22 urte ditu.
Edvald Boasson sartu da gaur bigarren. Fabian Cancellarak lider jarraitzen du.
Etapan Ruben Perez (Euskatel-Euskadi) beste lau lagunekin ihes eginda egon da —Andri Grivko, Giovanni Bernaudeau, Sebastien Minard eta Michael Morkovekin—.
Bihar korrituko dute Tourreko 4. etapa: Abbeville-Rouen, 214,5 kilometro. Laugarren mailako lau mendate izango dituzte.
Orain arteko etapak
- Aitzin-etapa (6,4 kilometroko erlojupekoa). Irabazlea: Fabian Cancella. Liderra: Fabian Cancella.
- 1. etapa.Irabazlea: Peter Sagan. Liderra: Fabian Cancellara.
- 2. etapa. Irabazlea: Mark Cavendish. Liderra: Fabian Cancellara.
- 3. etapa. Irabazlea: Peter Sagan. Liderra: Fabian Cancellara.