Realak 5-0 nagusitasunez irabazi du Anoetan Osasunaren aurkako euskal derbia . Lehen zatia nahiko orekatua izan da, baina geldikako jokaldi bati esker, atsedenaldira aurretik heldu dira txuri-urdinak. Ansotegi izan da golegilea. Aldageletatik bueltan, gauzak eroso jarri dira donostiarrentzat. Berehala Iñigok bigarrena egin du, eta hortik aurrera hasi da Realaren festa. Hirugarren gola Griezmannek, laugarrena Chory Castrok eta bosgarrena Seferovicek egin dute.
Realak aurrerapauso dezentea eman du gaurko garaipenarekin. Astebetean zazpi puntu poltsikoratu ditu, eta 17 puntu ditu sailkapenean. Hori bai, datorren jardunaldian Real Madrili egin beharko dio aurre Santiago Bernabeun. Osasunak, bestalde, berriro jaitsiera postuetan sartzeko aukerak ditu. 10 puntu dituzte gorritxoek. Hurrengo ostiralean Almeria hartuko dute Sadarren. Neurketa garrantzitsua izango da.
87. min. Realak bosgarren gola egin du partida amaitzeko gutxi falta dela. Seferovic izan da golegilea. Azkenean, Realak ukabilkada Osasunari.
81. min. Seferovicen jokaldi ederra atzetik aurrera, eta Chory Castrok maisutasunez gainditu du Andres Fernandez.
73. min. Seferovic eta Agirretxe zelairatu ditu Arrasatek. Konfiantza eman nahi die bi aurrelariei.
69. min. Griezmannek gola egin du, baina jokoz kanpokoa adierazi du epaileak. Ozta-oztako jokaldia.
58.min. Partida erabat hautsita dago. Choryk laugarren gola egiteko aukera bikaina izan du, baina gehiegi gurutzatu du jaurtiketa.
55. min. Pardoren erdiraketa bat bikain baliatu du Griezmannek hirugarren gola egiteko, korner batean.
48. min. Lotiesek txartel gorria, area ertzean Velari egindako gol batengatik.
46. min. Iñigok bigarren gola.
45. min. Atsedenaldia Anoetan.
38. min. Golak aldatu egin du neurketa. Reala hazi egin da, eta Osasuna apaldu. Gorritxoek aurrera egin nahi dute, baina zelai erdian ez dabiltza fin. Atsedenaldira emaitza horrekin iristea dute helburu Osasunakoek.
33. min. Ansotegik buruz gola, Pardoren erdiraketa bikain baten ondoren.
30. min. Partidako aukerarik onena Realarentzat. Iñigo Martinezen burukada ozta-ozta zutoin ondotik kanpora.
22.min: Nagusitasuna eta abiadura falta zaizkio Realari. Osasunak kontrolpean du neurketa. Oraindik gol aukera garbirik ez inork ere.
10 min: Hotz hasi da derbia.
Hasierako hamaikakoak.
Reala: Bravo; C. Martinez, Ansotegi, Iñigo, Jose Angel; Elustondo, Pardo, Zurutuza; Griezmann, Chory eta Vela. Osasuna: Andres; Oier, Loties, Arribas, Damia; Lolo, Silva, R. Torres; De las Cuevas, Cejudo eta Oriol Riera.
