Imanol Rojo eskiatzaile tolosarrak 62. postua lortu du Pyeonchangeko Neguko Olinpiar Jokoetako estilo libreko proban. Urrea eskuratu duen Dario Cologna suitzarrarengandik 3 minutu eta 51 segundora gelditu da.
Asteburuan, 49. izan zen iraupen eskiko eskiatloi proban, 30 kilometrokoan. Jokoetako parte hartzea hilaren 24an amaituko du, estilo klasikoko 50 kilometroko probarekin.
Felipe Montoyak, berriz, ez du patinaje artistikoko lehen kanporaketa gainditu. Ez du bere egunik onena izan, eta 52,41 puntu eskuratu ditu programa laburreko saioan. 29. postuan gelditu da. Ondorioz, ez du programa libreko saiorako sailkatzea lortu.
