Aimar Olaizola-Ruben Beloki Lehen Mailako Buruz Buruko Txapelketako bigarren finalerdia ez dute larunbat honetan jokatuko, iragarri zuten bezala, hilaren 30ean baizik. Izan ere, partida atzeratzeko eskatu du gaur Belokik, eskuin eskuko hatz lodia bihurrituta duela-eta. Gaur goizean egin du azken proba eta ondo ez dagoela ikusi da.
Arautegiak ez du atzerapenik onartzen finalaren aurretik baina, iragan urteko finalerdietan gertatu bezala, atzerapenak hurrengo partidako datari kalterik egiten ez badio, salbuespenak onar daitezke.
Finala ere atzeratu egin dute, hala: ekainaren 7tik 14ra. Juan Martinez Irujo finalean da dagoeneko, igandean Oinatz Bengoetxeari irabazi ostean.
Bigarren finalerdiaren atzerapen hori dela-eta, EPELek larunbatera aurreratu du Bigarren Mailako Buruz Buruko finala. Jokin Argotek eta Mikel Beroizek jokatuko dute, Gipuzkoan: Tolosan edo Zarautzen.
Pilota
Ruben Belokiri onartu egin diote finalerdia atzeratzeko eskaera
Hatz lodia bihurrituta dauka, gaurko proban ere ikusi denez. Aimar Olaizolaren aurka hilaren 30ean ariko da. Finala ere atzeratu egin dute, ekainaren 14ra.
Iruzkinak
Ez dago iruzkinik
Ordenatu