Slipstream Chipotle taldeak irabazi du gaur arratsaldean Italiako Giroko lehen etapa: Palermo-Palermo, 23,6 kilometroko taldekako erlojupekoa. 26.32ko denbora egin du, eta Christian Vande Velde jarri da Giroko lider, bera sartu baita taldekideen artean lehenen.
CSC izan da bigarren, sei segundora. High Road hirugarren, zazpira. Laugarren Liquigas, bederatzira. Astanak 29ra bukatu du, zazpigarren. Euskaltel-Euskadi 20. izan da, 1.17ra; Silence Lotto eta Francaise des Jeux baino ez dira geratu bere atzetik.
Bihar korrituko dute itzuliko bigarren etapa: Cefalu-Agrigento, 207 kilometrokoa. Bigarren eta hirugarren mailako mendate bana izango dute.
txirrindularitza
Slipstream taldea irabazle Giroko erlojupekoan
Christian Vande Velde jarri da lider. Euskaltel-Euskadi 20. izan da, 1.17ra.
Iruzkinak
Ez dago iruzkinik
Ordenatu
