TASera jo beste aukerarik ez du jada Osasunak

FUTBOLA. Espero zen bezala, Europako Futbol Federazioaren (UEFA) Apelazio Batzordeak atzera bota du erakunde horren Kontrol, Etika eta Diziplina Batzordeko ikuskatzaileek Osasunarentzat proposatutako zigorraren aurka klubak aurkeztutako helegitea. Ikuskatzaileek datorren denboraldian Konferentzia liga jokatu gabe zigortu dute Osasuna, klubeko zenbait agintari ohik 2013-2014ko denboraldiko Espainiako Lehen Mailako bi partidaren emaitzak adostu zituztelako. Osasunak Kirola Arbitratzeko Epaitegira (TAS) joko du orain, «klubaren eskubideen aurkako erasoa» dela argudiatuta.