Titin III.a ez da Urdulizen izan, min hartuta baitago

ESKU-HUSKA. Titin III.ak eta Pascualek Olaizola I.a eta Ruizen aurka jokatuko dute etzi, Urdulizen (Bizkaia), baina errioxarra atzo ez zen izan pilota aukeraketan. Ezkerreko eskumuturra minduta dauka, eta Aspeko medikuarengana joan zen atzo. Hala ere, ez du jokatzeko arazorik izango. Pascualek 105,3 gramoko hiru pilota aukeratu zituen, eta Olaizola I.ak eta Ruizek 105,9 gramoko bi, eta 105,8ko bat.