Urrutikoetxea eta Irribarria, faborito, gaur eta bihar

Gaur eta bihar zehaztuko dira finalerdiak. Gaur Mikel Urrutikoetxea eta Joseba Ezkurdia ariko dira, Bilbon. Bihar, berriz, Iker Irribarriak eta Iñaki Artolak jokatuko dute, Eibarren (Gipuzkoa) —17:00etan hasiko dira bi jaialdiak,eta ETB1ek zuzenean emango ditu—. Aurreneko partidan, Urrutikoetxea da faboritoa Ezkurdiari irabazi eta Bengoetxea VI.arekin finalerdietan indarrak neurtzeko. Bigarren neurketak ere pronostiko argia du, egungo txapelduna baita faborito Artola kanporatu eta Beñat Rezustaren aurka aritzeko.