Urrutikoetxea ez da ariko; Bengoetxea, finalerdietara

Galtzeaz gain, Mikel Urrutikoetxeak min hartu zuen eskuin eskuan herenegun, Binakako Txapelketaren finalean, eta ezingo du jokatu etzi Bilbon, Oinatz Bengoetxearen aurka, lau eta erdikoaren final-laurdenetan. Araudiari jarraituta, Bengoetxea VI.a sailkatu da finalerdietarako. Eskuz Pilotako Enpresen Ligak EITBrekin duen kontratua betetzeko, berriz, Jokin Altunaren eta Danel Elezkanoren artekoa jokatuko da etzi. Igandean zen jokatzekoa, Eibarren (Gipuzkoa).