Xabi Alonso errugabetzat jo dute Ogasunaren iruzur fiskalaren auzian

FUTBOLA. Madrilgo Auzitegiak errugabetzat jo du Xabi Alonso, Ogasunari iruzur fiskala egiteaz. Fiskaltzak bost urteko espetxe zigorra eskatu zuen Reala B-ko entrenatzailearentzat, irudi eskubideak Madeiran (Portugal) kokaturiko enpresa baten bitartez kudeatu eta ustez 2011n, 2012an eta 2013an bi milioi euroko zerga iruzurra egiteagatik. Madrilgo Auzitegiak, ordea, absolbitu egin du. Haren arabera, Madeirako enpresa bat erabilita, Xabi Alonsok bere interesentzat onena zen aukera baliatu zuen, baina hori eginez ez zuen legerik urratu.