Zornotzako Nazioarteko Krosak 64. aldia izango du datorren igandean

ATLETISMOA. Kros egutegia bete-betean sartzen den garaia izaten da hau, eta Euskal Herrian badira lasterketa sonatuak. Horietako bat da Zornotzakoa, eta datorren igandekoak 64. aldia izango du. Emakumezkoen lasterketa 12:30ean hasiko da Jauregibarriako zirkuituan, eta 8.700 metroko lasterkaldia egin beharko dute. Gizonezkoena ondoren izango da, 13:15ean, eta 10.700 metrori egin beharko diete aurre korrikalariek. Bigarrengoz, gutxituen lasterketa ere izango da.