Bakerantz, legalizazioa lelopean gaur Bilbon manifestazioa egingo dute, eta horren inguruko saio berezi bat ikusi ahalko da Hamaika telebistan, 20:45ean. Eguneko protagonistak, manifestazioaren deitzaileak azalduko dira saioan. Halaber, alderdi, sindikatu eta bestelako erakundetako ordezkarien hitzak bilduko dituzte. Baita manifestaziora joango diren herritarrenak ere. Programak ez du aurkezlerik izango, eta adierazpenak manifestazioko irudiekin tartekatuko dituzte.
Ondoren, 22:15ean, joan den asteazkeneko Esatea libre emango dute. Saio horretan solasean aritu ziren Martin Beramendi Hamaikabateko kidea, Esteban Antxustegi EHUko irakale eta katedraduna, Martxelo Otamendi BERRIAko zuzendaria eta Duñike Arrizabalaga Alternatibako kidea. Mahai-ingurua amaitzean, 23:30ean, manifestazioko irudiak emango dituzte Hamaikan. Saio berezia bihar emango dute berriro, 14:00etan.
Info7 Bilbotik zuzenean
Info7 irratiak Bilboko manifestazioaren kontakizuna egingo du zuzenean, 17:15ean hasita. Bilboko udaletxetik egingo dute emanaldia.
Komunikazioa
Bilboko manifestazioari buruzko saio berezia gaur Hamaikan
Alderdi, sindikatu eta erakundeetako ordezkarien adierazpenak jasoko dituzte (20:45)
Iruzkinak
Ez dago iruzkinik
Ordenatu
