Datozen bi asteetan haurrak izango dira lehian 'Mihiluze'-n

ETB1eko Mihiluze lehiaketan9-11 urte bitarteko neska-mutikoak izango dira protagonista datozen bi asteetan, astelehenetik hasita. Egun horietan euskararen doinu eta kolore guztiak entzuteko aukera izango da, Euskal Herri osoko haurrak bilduko baitira jolasera. Aurreneko egunean Hernani, Araia eta Barakaldoko hiru bikotek parte hartuko dute. Ondorengo egunetan, besteak beste, Leitza, Iruñea, Sakana, Bilbo, Abadiño, Bermeo, Azkaine, Ziburu, Bergara, Errenteria eta Tolosaldeko gaztetxoak izango dira lehian. Saio horiekin jada 600 haur dira Mihiluze-n parte hartu dutenak. Oraingoan, 400 bikotek eman dute izena.