'Karrika Korrika'-k ez du jarraipenik izango ETBn

Irailaren 4an lehiaketa berri bat estreinatu zuen ETB1ek: Karrika Korrika. Emanaldi bakar horren ikusle datuen arabera izan zezakeen jarraipena saioak, eta emaitzak ez dira onak izan. Hortaz, ETBko arduradunek erabaki dute saioak ez jarraitzea. Eriz Zapirain izan zen saio bakar horretako zuzendaria, Eñaut Gantxegi aurkezlea eta Haritz Rodriguez arduratu zen zuzendaritza artistikoaz. Hamar jinkana gogorri aurre egin zieten bi laukotek, Pasai Donibanen. Laukote bat Zumaiakoa zen eta bestea Abadiñokoa. Zumaiarrak atera ziren garaile.