ETB3 kateko Nickdut nik saioak bere azken denboraldia estreinatuko du gaur, 23:00etan. Interneten ere ikusiko ahalko da programa nickdutnik.com eta eitb.com webguneetan. Denboraldia osatuko duten 11 ataletan, Euskal Herrian sortutako Interneteko proiekturik onenetako batzuk ezagutzeko aukera izango dute ikus-entzuleek. Teknologia, ikus-entzunezko euskarri berriak eta bideo jokoak ere izango dituzte hizpide.
Berrikuntzen artean, QR kodeak aipa daitezke. Kode horiekin telebistatik webgunera erraztasunez mugitzeko aukera izango dute ikusleek.
Halaber, sintonia eta irudi berria estreinatuko ditu gaur ETBko programak.
Sare sozialen bidez ikusi ahalko da saioaren azken denboraldia: Twitterren @nickdut nik eta facebook.com/nickdutnik.
Aurreko denboraldietan bezala, Arantza Garces izango da saioko aurkezlea.
Komunikazioa
'Nickdutnik' saioaren azken denboraldia gaurtik ETB3 katean
QR kodeak erabiliko dituzte aurreneko aldiz, eta telebistatik webgunera mugitzeko aukera emango dute
Iruzkinak
Ez dago iruzkinik
Ordenatu
