Gaur eguerdian egindako ekitaldian jakinarazi du Donostiako Fantasiazko eta Beldurrezko Zinemaren Asteak aurtengo palmaresa.
Publikoak emandako sariei dagokienez, Yeon Sang-ho hegokorearraren Train to Busan-ek irabazi du film luze onenaren saria, eta All in norvegiarrak film labur onenarena. Gainera, Second to None irlandarrak jasoko du animaziozko film labur onenaren saria, eta Angel Gomezen Behind-ek Espainiako Estatuko film labur onenarena.
Tonio L. Alarconek, Beatriz Martinezek eta Oscar Reyesek osatutako epaimahaiak Quenottes lanari eman dio film labur onenaren saria, eta Alberto vazquez galizarrak zuzendutako Decorado-rentzat izan da Europako film labur onenaren saria.
