2,1 milioi euroko kreditua eman diote Bilboko Arte Eder museoari

Bilboko Arte Eder museoari 2,1 milioi euroko kreditua eman dio ICO Espainiako Kreditu Institutu Ofizialak. 2018. urtea bitartean, obra berriak erosteko baliatuko du diru hori museoko zuzendaritzak. Kreditua hiru instituzio publikoren —Eusko Jaurlaritzak, Bilboko Udala eta Bizkaiko Foru Aldundia— eta BBVA bankuaren artean ordainduko dute. Hartara, instituzioak beraiek arduratuko dira dirua itzultzeaz, zazpi urtean, eta BBVAren fundazioak, berriz, kredituaren interesei aurre egingo die. Artelanak eskuratzeko programari eutsi ahal izango dio museoak.