27 abeslari lehiatuko dira Irungo kantu lehiaketan

MUSIKA.Irungo Nazioarteko Luis Mariano Kantu Lehiaketa uztailaren 13tik 16ra izango da, eta munduko hainbat txokotako lehiakideak bilduko ditu. 27 abeslarik hartuko dute parte; horietatik hogei emakumezkoak dira. Lehiaketa bi urtez behin antolatzen du Irungo Udalak, eta helburua «interpretazio lirikoan jardun nahi duten gazteei laguntzea da», udaleko kultur ordezkariaren arabera.