600 lagunek 6.000 esaera zahar irakurriko dituzte

LITERATURA. Euskal esaera zaharren jendaurreko irakurketa antolatu dute Elgoibarko Izarra kultur elkarteak eta Udalak biharko. Duela bi urte hildako Gotzon Garate idazle eta euskaltzalea gogoratzeko ekimena da. Hark bildutako 6.000 esaera zahar irakurriko dituzte 600 bizilagunek, 09:00etan hasi eta 19:00 arte. Elkarte eta herritarren erantzuna izugarri ona izan dela nabarmendu dute.