Aitor Mendiluzeren bigarren txapela

Aitor Mendiluzek irabazi zuen atzo, Donostian, Gipuzkoako Bertsolari Txapelketa; bigarrenez irabazi ere, 1995ean ere txapeldun izan zelako.

Beñat Gaztelumendi -18 urte ditu- eta biak heldu ziren buruz burukora, eta bukaeran 946 puntu lortu zituen Mendiluzek. Gaztelumendik, 914.

Jon Martin geratu zen hirugarren (555 puntu), Jon Maia laugarren (553,5), Jexux Mari Irazu bosgarren (548,5), Aitor Sarriegi seigarren (546,5), Unai Agirre zazpigarren (541,5) eta Iker Zubeldia zortzigarren (520,5).

Illunbeko zezen-plazan izan zen finala, eta 8.500 bertsozalek leporaino bete zuten.

Argazkian, Mendiluze txapelarekin. Joxe Mari Altuna bertsozaleak jarri zion. (Argazki Press)