Egungo gitarra jotzailea birtuosoenetako bat da Di Meola (New Jersey, AEB, 1954). 20 urte baino ez zituenean, Chick Corea eta Stanley Clarkeren orkestrarekin jotzen hasi zen. Bakarka hamaika disko kaleratutakoa, Luciano Pavarotti, Paul Simon, Carlos Santana edo Stevie Wonderren gisako musikarekin kolaboratu du. Jazza rockarekin eta munduko musikak deitutako generoarekin nahasteagatik nabarmendu da.
Jazz afrokubatarraren ikurretako bat da, berriz, Rubalcaba (Habana, 1963). Grammy saria bitan irabazi du (2002 eta eta 2006), Supernova eta Solo diskoengatik. Orquesta Aragonen jotzen hasi zen, eta 1987an grabatu zuen bere aurreneko diskoa: Mi gran pasion. Horrek Blue Note disketxeren ateak ireki zizkion, eta, hain zuzen, harekin kaleratu zuen Inner Voyage (1999), bere ibilbide lanik aipagarriena. Hiruko baten barruan jotzen du normalean.
Jazzaldirako sarrera apirilaren 8an jarriko dituzte sailgai.
