Desintoxikatzeko ahaleginean, zaletasun bat bilatu dezala iradoki diote. Hortaz, Patagoniako lur bakartietara joango da, marrazoak arrantzatzera. Beste bat da, ordea, Marcosen helburua: bere alabarekin bat egitea.
Bosgarren aldiz parte hartzen ari da Sorin Zinemaldiko Sail Ofizialean, eta prentsaurrekoan adierazi du hunkitzen duten istorioak bilatzen dituela. Eta hunkitu egiten dute, adibidez, drogazaleek eta alkoholikoek mendekotasunetik ateratzeko egiten duten esfortzuak. Alejandro Awadak jokatu du Tucciren papera, eta uste du protagonista saiatzen dela gauza gorenenekin, "bihotza ukitzen diguten" horiekin, konektatzen.
