Amets Arzallusek irabazi du 717 punturekin Gernika-Lumoko Jai Alai pilotalekuan gaur arratsaldean jokatu den lehenengo finalaurrekoa. Alde handia atera dio bigarren sailkatuari, Jokin Urangari (657,5). Ondoren sailkatu dira Jone Uria (653), Jon Martin (640,5), Julio Soto (639,5) eta Nerea Elustondo (633,5).
Bihar jokatuko da bigarren finalaurrekoa, Tolosako Usabal kiroldegian. Bertan ariko dira Unai Iturriaga, Igor Elortza, Etxahun Lekue, Jexux Mari Irazu, Amaia Agirre eta Iñigo Mantzizidor Mantxi. Saioa, ohi bezala, 17:30ean hasiko da.
