Antton Ezeiza omenduko du Euskadiko Filmategiak

ZINEMA. Antton Ezeiza zinemagilea omenduko du Euskadiko Filmategiak. Horretarako, haren bi lan emango ditu etzi, Donostian, Antzoki Zaharrean. A través de San Sebastián film laburra eta Felicidades, Tovarich filma doan emango ditu. Lehenengoa Ezeizaren lehen film laburra izan zen, eta Elias Kerejetarekin batera zuzendu zuen. Felicidades, Tovarich, aldiz, Ezeizak zuzendutako azken filma izan zen, 1995ean. Hilaren 15ean hil zen Ezeiza, gaixotasun larri baten ondorioz.