Antzezlana 11 agerralditan dago banatuta. Agerraldi bakoitzaren hasieran bardo bat azaldu zen eszenan. Hark, koplak kantatuz, agerraldi bakoitzaren muina adierazi zuen, “oso era trinkoan bada ere”. Baina bardoaren eta antzezleen jardunarekin batera, bideo irudiak ere tartekatu ziren emanaldian.
Jose Luis Erdoziak idatzi du herri-antzerkia, eta Guaixe aldizkariari jakinarazi dionez, “agerraldi horietan islatu nahi izan da zein egoeratan sortu zen gure herria, herri euskalduna 700 urte horietan guztietan, eta apustu eta konpromisoa ere ageri da bertan, izenburuak azpimarratzen duen moduan”.
