ANTZOKIRA ARTEKO BIDEA SENDOTUZ

Bilboko Otxarkoagako Mariaren Izen Santua eliza izandakoa Produkzio Eszeniko Profesionalen Berrikuntza Zentro bihurtu dute. Harrobia Eskena gunea udaberriaz geroztik erabiltzen dute hainbat taldek, baina atzo egin zuten inaugurazio ofiziala. 24 konpainia biltzen dituen Eskena elkarteak kudeatzen du, udalarekin itun bat izenpetu ostean. Antzezlanak prestatzeko materiala eta aretoak dauzka, eta aholkularitza zerbitzua eskaintzen diete hala nahi duten taldeei.