Arriaga antzokiak %5 igo du ikusle kopurua 2010ean

ANTZERKIA. Bilboko Arriaga antzokiaren ikusle kopurua %5 igo zen 2010ean. Guztira 174.517 ikusle izan zituen; 2000. urtetik izan duen ikusle kopururik handiena, hain zuzen ere. Diru sarrera gordina ere %6 igo zen 2009ko datuekin alderatuz. Arduradunen hitzetan, programazioak eta antzokia aurreko urtean baino egun gehiagotan zabalik egotea izan dira arrazoi nagusiak.