Atlantiar nazioarteko biltzarra egingo da Irunen maiatzaren 18an

Atlantiar nazioarteko biltzarra egingo da Irungo Ficoba erakustazokan datorren maiatzaren 18an, Jauzarrea Euskal Kulturaren Azterketa eta Zabalkunderako Funtsak antolatuta. Aurtengo eta datorren urterako antolatutako lau biltzarretan aurrenekoa izango da datorren maiatzekoa. Euskal kulturari buruzko jardunaldi bat da, diziplina anitzekoa, non genetikaz, historiaz, arkeologiaz, arteaz, folkloreaz eta linguistikaz hitz egingo duten. Lehen biltzarrean hamalau hitzaldi emango dituzte adituek, eta Paleolitoaren garaia izango dute ahotan. Euskal Herria osatzen duten Homo sapiens taldeak aztertuko dituzte.