Atom Rhumbak eta Guadalupe Platak irekiko dute Jazpana Beasainen

Gaur hasi da Beasaingo Jazpana jaialdia. Atom Rhumba taldeak Gargantuan Melee lana aurkeztuko du bertan, Guadalupe Plata, Continuo Renacer eta Lost Chords taldeekin batera. Jazpanaren webgunearen arabera, Atom Rhumbak «rock gordin eta zuzen bikain bat» lantzen du.

Bihar, El Columpio Asesino, Los Tiki Phantoms, Willis Drummond, La Celula Durmiente, The Nekrobabies eta Cuarto de Hora taldeak izango dira jaialdian. Igandean, berriz, Ainara Legardon, Grises, Los Teleplasticos eta Fiachras taldeek parte hartuko dute. Jaialdia mozorro gauarekin eta Jazpanaokearekin amaituko da, astelehenean, Beasaingo film laburren emanaldiaren ondoren.