B Awards sarietarako 30 proiektu hautatu dituzte

B Awards Bilbao Bizkaia Design Festival jaialdiaren nazioarteko lehiaketarako 30 proiektu aukeratu dituzte, eta Bilboko Alondegian erakutsiko dituzte martxoaren 21etik aurrera. B Awards jaialdia aurten sortu dute Bilboko Udalak eta Bizkaiko Diputazioak, «nazioarteko diseinatzaileen eta euskal ekoizleen arteko harremana bultzatu eta euskal diseinua nazioartean ezagutzera emateko». Jaialdia martxoaren 21etik 23ra bitartean egingo dute, eta bi sari banatuko dituzte: Glocal Design eta Local Design sariak. Philippe Starck, Tony Chambers, Alvin Yip eta Toshiko Morik osatuko dute epaimahaia, besteak beste.