'Baby Doll' izango da hileko pieza Balentziagan

GOI MAILAKO JOSKINTZA. Cristobal Balentziagaren lanik berritzaileenetako bat aukeratu du Miren Arzalluz Balentziaga museoko bildumaren arduradunak abuztuko pieza izan dadin: Baby Doll soinekoa. 1958an sortu zuen Balentziagak, haur-jantzietan oinarritutako diseinu batekin. Gerriko linearekin esperimentatuz, bolumen ezberdinak sortzeko bideak ikertu zituen lan horretan.